საით მივექანებით?

შენ არასდროს შეგიძლია დაგეგმო მომავალი წარსულით

– ედმუნდ ბურკი.

ადამიანს, როგორც გონიერ არსებას ყოველთვის აქვს მოთხოვნილება იცოდეს, თუ როგორი იქნება მისი მომავალი. ის მუშაობს დღეს, რომ შექმნას მისი მომავალი, თუმცა ჩვენ დროში ყველაფერი გართულდა!

ტექნოლოგიურმა ბუმმა და სოციალურმა პრაქტიკებმა შეცვალა ჩვენი რეალობა. ნათელი გახდა, რომ ჩვენი მომავალი სულ სხვაგვარი იქნება. ჩვენი შვილები კი, თითქოს უკვე სხვა პლანეტაზე იცხოვრებენ. თუ ადრე წარსული იყო საფუძველი, რომ გვეწინასწარმეტყველებინა მომავალი, ეხლა წარსული აღარაა გარანტი იმისა, რომ გვექნება წარმოდგენა მომავალზე. ყველაფერი , რაზეც ოცნებობდნენ ფუტუროლოგები და წერდნენ ფანტასტები–უფრო სწრაფად მოხდა, ვინემ ვიფიქრებდით.

როგორ შევქმენი სილამაზე — Ke Li Decor

თაიგული პასტელის ფერებში

“ნებისმიერი შემოქმედების უმაღლესი ამოცანაა არაჩვეულებრივის პოვნა ჩვეულებრივში და ჩვეულებრივის ფანტასტიკაში” (დიდრო)

ვინც მიცნობს, იცის რომ შემოქმედი ადამიანი ვარ,,,არც კი ვიცი როგორ ვახერხებ დროის გამონახვას შემოქმედებისთვის! მაგრამ მხოლოდ მაშინ ვქმნი, როდესაც ამის განწყობა მაქვს, აუცილებლად კარგი განწყობა! ამიტომაცაა, რომ ჩემი შექმნილი ნივთები პოზიტიური ენერგეტიკით სავსენი არიან!

გახსოვთ ალბათ, რამდენი ნამუშევარი მაქვს დეკუპაჟის სტილში, ბოთლების რამდენნაირი დეკორი გავაკეთე. აი ლინკიც! ადრე დადებულ პოსტში მოგიყევით რამდენი ტიპის ხელაქმე მეხერხება,,

სულ რაღაც ახალის ძიებაში ვარ, მიყვარს ახალი ტექნიკის დაუფლება, განვითარება!

ასე მოხდა წელსაც! აღმოვაჩინე,რომ ყველასთვის კარგად ნაცნობი გირჩებისგან საინტერესო რამის შექმნა შემეძლო!

ბევრი ხელოვანი მუშაობს გირჩებზე, მაგრამ მე–მე ვარ! და მე შევენი ჩემი ექსკლუზივი! ეს არის ჩემებურად გადაკეთებულ ქოთანში მოთავსებული გირჩებისგან დამზადებული ყვავილები!..

აი ჩემი პირველი ქმნილება ამ სტილში! პირველივე არაჩვეულებრივი გამოვიდა, იმედია , დამეთანხმებით!

მარაგი ზამთრისთვის

დიასახლისობა ყოველთვის მიყვარდა!

ამ ბოლო დროს იმდენი დრო არ მაქვს, მაგრამ მაინც ბევრს ვახერხებ,,ეხლა ზამთრისთვის კონსევების მურაბა-ჯემების სეზონია და არც მაგას გამოვრჩი, ბევრი რამ გავაკეთე და ამიტომ ბლოგზეც დავწერ.

ამის წინ გავაკეთე მოხუფული წითელი ბულგარულის სალათი, სატენიანი,,,ისეთი კარგი გამოვიდა, ლამისაა უკვე გავხსნა ქილა!

რა თქმა უნდა რეცეპტს ვდებ!

ძალიან პიკანტური გემო აქვს —მოტკბო, მომჟაო, მომწარო!

უხდება შემწვარ კარტოფილს, პიურეს, ვერმიშელს, მაკარონს, ლობიოს.

მაშ ასე!

დეკუპაჟის ხელოვნება

დეკუპაჟი — ნივთის დეკორირების თავისებური ტექნიკაა, რომელიც მრავალ სტილს და შესრულების ტექნიკას მოიცავს.მე ხელოვნების ამ სფეროთი ამასწინათ დავინტერესდი. ვცადე კიდეც და შემიძლია ვთქვა, რომ ჩემი ჰობიც გახდა. ჯერ დამწყები ვარ და დიდ დროს ვუთმობ გამოცდილ დეკუპაჟის ოსტატების სტატიებისა თუ ვიდეოების ნახვას,რაც უამრავია ინტერნეტსივრცეში!
უშუალოდ დეკუპაჟი ნივთზე დეკორატიული ხელსახოცის, სპეციალური დეკორატიული ბრინჯის ფურცლის ან სურათის დაკვრის ტექნიკაა,თუმცა ის კომბინირებულია სხვა ტექნიკასთანაც, როგორიცაა: ნივთის დაძველების ეფექტი, დეკორატიული გაწუწვა, ხორკლიანი ზედაპირი, დატანილი ორნამენტი საღებავით ან 3D ეფექტის შექმნა,კონტური, მძივებით მორთვა, ბრჭყვიალების გამოყენება და სხვა მრავალი.
მოკლედ, მთავარია გქონდეთ სურვილი, ფანტაზია, აკურატულობა, გემონება და დრო— ნებისმიერ ტექნიკას დაეუფლებით,მეტსაც გეტყვით– თქვენსასაც შექმნით!
ასევე მრავალფეროვანია ის მასალა, რასაც დეკუპაჟს მეშვეობით შეიძლება ვაფორმებდეთ!
მე ამ სტატიაში არ მინდა ჩამოვწერო როგორ და რა გააკეთოთ, უამრავი ვიდეო რგოლია ინტენეტსივრცეში, როგორც უკვე დავწერე,,,მე უბრალოდ ჩვენი ქართველი ხელოვანებისთვის მინდა დავწერო, თუ რითი დაიწყონ, რადგან საქართველოში ხელოვნების ამ დარგას ჯერ ფეხი მყარად არ მოუკიდებია, ცოტა ადამიანია ამ საქმიანობით დაკავებული, არადა დარგი იმად ღირს, რომ ბევრი ხელოვანი ყავდეს!

Romsat

ცოტას გაგაცინებთ:

რამდენიმე თვის წინ (აი, გაგანია მოსმენების ამბებზე,) ოფისში ამოდის ერთი ხნიერი ბატონი.ჯერ რაღაც იკითხა და ვუპასუხე,მისამართი შეეშალა. მერე კითხულობს: “ბიძია,აქ რას ვაჭრობთ?” , “ვიდეოსამეთვალყურეო სისტემები გავქვს, ბატონო”,,,მამაკაცი დაიძაბა,გაიტრუნა და ჩურჩულით მკითხა : “ეხლა ჩვენ გვისმენენ?” ,,,ძალიან დიდი ძალისხმევა დამჭირდა, რომ არ გამცინებოდა,,თავაზიანად მივუგე  — ” რას ამბობთ, ბატონო, ჩვენი ორგანიზაცია ყიდის და ამონტაჟებს სათვალთვალო კამერებს, მაგალითად, მაღაზიებში რომ კიდია”,,,უნდა გენახათ როგორ ამოისუნთქა ადამიანმა,,,თითქოს ის იყო და ატომურ იარაღზე საიდუმლო უნდა გაემხილა და მოსმენის შეეშინდა 🙂 რა ქნას 🙂

მოკლედ, მიხვდით ალბათ ჩემი საქმიანობის სფერო რას ეხება,,,აგერ უკვე წელიწადნახევარია რომსატში ვმუშაობ და განრიგის და სხვა საქმეების გამო ისე ვარ დაკავებული, რომ აქამდე ერთი პოსტი ვერ მივუძღვენი  ჩემ სამსახურს. ეხლა კი მოვიცალე, თან კლავიატურაზე ჩემი წკაპუნი არავის უშლის, მარტო ვარ ოფისში 🙂

ოფისში საკმაოდ მშვიდი და მეგობრული გარემო გვაქვს, ძალიან კომფორტულად ვგრძნობ თავს,,,დაკისრებულ მოვალეობასაც კარგად ვართმევ თავს. ჩემი პოზიცია ოფისში — მენეჯერია…ერთადერთი რთუი ჩემ სამსახურში–გზა არის,,,ძალიან ვიღლები გზაში,რადგან ქალაქის ერთი ბოლოდან მეორეში მიწევს გასვლა,მაგრამ შეღავათსაც მიკეთბენ, 10 საათის ნაცვლად 11-ზე ვიწყებ მუშაობას 🙂

მოვლენების მატერიალიზაცია მიმდინარეობს კვანტურ დონეზე

ძალიან საინტერესო ნაშრომია,
ქალბატონ თამარ კვარაცხელიას ბლოგზე წავაწყდი და ჩემ მკითხველსაც მინდა გაგიზიაროთ მისი პოსტი.

პიროვნული ზრდის სამყარო

დოქტორ ჯო დისპენზა გახდა ერთ-ერთი, ვინც მეცნიერული თვალსაზრისით პირველად გამოიკვლია – ტვინის ზეგავლენა რეალურ მოვლენებზე. თეორიამ – კავშირი მატერიასა და გონებას შორის- მას მოუტანა მსოფლიო აღიარება. მთავარი აღმოჩენა მდგომარეობს იმაში, რომ გონებაპრაქტიკულად, ერთმანეთისგან ვერ ანსხვავებს ფიზიკურ გრძნობებს, სულიერისგან. უხეშად, რომ ვთქვათ, თავში არსებული ნაცრისფერი უჯრედები, ერთმანეთისგან ვერ ანსხვევებს მატერიალურს, წარმოსახვისგან ანუ აზრებისგან.

View original post 1,583 more words

სახლის აურა — თქვენი ბედნიერების ულევი წყარო!

ყველა ჩვენთაგანი ვიზიდავთ (ან უკუვაგდებთ) განსაზღვრულ ადამიანებსა თუ სიტუაციებს.თუ მიიჩნევთ, რომ ბოლო დროს თქვენ იზიდავთ არა იმას, რაც ან ვინც გინდათ — სასწრაფოდ რაღაც უნდა შეცვალოთ!სცადეთ დაიწყოთ სახლის ენერგეტიკული ფონის შეცვლით,ამით თქვენს ცხოვრებაში ბედნიერებასა და წარმატებას მოიზიდავთ.

ჩვენ სამყაროში ყველაფერი ურთიერთკავშირშია.ამგვარად, ჩვენს შინაგან მდგომარეობას განაპირობებს გარე გარემოებები.თქვენს ემოციებს,გრძნობებს,განწყობებს შესწევთ უნარი თქვენს გარშემო შექმნას შესაბამისი ინფორმაციული ველი,რომელსაც ექნება ზემოქმედდება იმ ადგილზე, სადაც ხშირად იმყოფებით,მაგალითად თქვენს სახლზე.შემდეგ კი ამ შენობის აურა იმოქმედებს იმ ადამიანებზე, რომლებიც იქ ხშირად იმყოფებიან ან ცხოვრობენ.

ქვებით შექმნილი ლამაზი დეკორი

ყველაზე მარტივი დეკორის ნედლეული რომ ქვა არის,ალბათ ყველა შევთანხმდებით.ქვის ზომა და ტიპის მიხედვით მისი ინტერიერში,ექსტერიერში და მშენებლობაში გამოყენების უამრავი ხერხი არსებობს.ზუსტად ამაზეა ეს პოსტი.მინდა საინტერესო იდეები მოგაწოდოთ,ისეთები, რომელსაც თავადაც გააკეთებთ,პროფესიული ჩარევის გარეშე.ამისათვის დაგ ჭირდებათ მხოლოდ სასურველი ზომისა და ფორმის ქვების შეგროვება.

 

1. ქვებისგან შექმნილი დასაფენები

შერჩეული სილიკონის ან რეზინის დასაფენზე მარტივად შეგვიძლია დავაკრათ კენჭები,ძალიან ორიგინალური გამოდის.

ნინო კობაიძის პოეზია

სტუმრის პოსტის სტატუსით გთავაზობთ ეზიაროთ ნინო კობაიძის პოეზიას,,,,

ქალბატონ ნინოს ერთი წიგნი უკვე გამოცემული აქვს და სულ მალე გამოქვეყნდება კიდევ ერთი ლექსთა კრებული.

 

 

 

ბორბალი

სიჩუმე ზოგჯერ რა სანატრელი,

ზოგჯერ კი არის აუტანელიც,

ერთი ესაა, ფიქრი არ გვტოვებს

ახდენილიც და აუხდენელიც.

ბედის ბორბალი მუდამ ტრიალებს,

არ გაჩერდება, სანამ იქნები,

სულ არ ადარდებს შენი კივილი

მაინც არ ტოვებ, გვერდში მიყვები.

მალე სიბნელე სინათლეს შთანთქავს,

ჩაეწურება ესე საღამოს,

მოიძებნება სადმე მავანი,

რომ თავის ნებით ვინმეს აამოს?

ფერადი სააღდგომო კვერცხები

სააღდგომო თემატიკაზე რამდენიმე პოსტი მაქვს და დარწმუნებული ვარ, ეს პოსტიც დაგაინერესებთ,,,

სააღდგომოდ კვერცხების წითლად შეღებვა ჩვეულებრივი ამბავია.მოდით ,არ შემოვიფარგლოთ მხოლოდ წითელი ფერით და ფერთა სხვა გამაც ვცადოთ…რა თქმა უნდა მარტივი იქნებოდა საკვები საღებავებით კვერცხების შეღებვა, მაგრამ ასევე შეგვიძლია ნატურალურისაღებაბი ბუნებრივი მასალისგან მივიღოთ.

მე თქვენთვის მოვიძიე ინფორმაცია, თუ რომელი ხილი თუ ბოსტნეული უნდა გამოვიყენოთ, რომ ხალისიანი ფერებად შევღებოთ კვერცხები!

SOS!!! თსუ გვპარავს დროს,ნერვებსა და ფულს!

გაინტერესებთ რას ფიქრობს თსუ-ს სტუდენტი თავის სასწავლებელზე?

“ბლოგის ტუმრის” სტატუსით  უცვლელად გთავაზობთ ამ სასწავლებლის სტუდენტის,ალეკო თოთაძის  პრეტენზიებს.ვფიქრობ,ბევრს პუნქტების დამატება მოუნდება,ან სულაც არ დაეთანხმება მას.ნებისმიერ შემთხვევაში საკუთარი მოსაზრება კომენტარის სახით მოგვაწოდეთ!

**********************************************************************************************************************

“მეგობრებო ,გაწვდით სასარგებლო ინფორმაციას ჩემი პირადი გამოცდილებიდან თუ რატომ არ უნდა ჩააბაროთ თსუ / TSU-ს მესამე კორპუსსში ჩემ ფაკულტეტზე. მე თვითონ ვსწავლობ ფსიქოლოგიის და განათლების მეცნიერებათა ფაკულტეტზე, ვამთავრებ მესამე კურსს.

13 საინტერესო ფაქტი სიზმრების შესახებ

სიზმრები ჩვენი ცხოვრების ერთ ერთი ყველაზე იდუმალებით მოცული სფეროა.რომაულ ერაში ყოფილა შემთხვევები, როდესაც სენატს განსახლველად რომელიმე კონკრეტულ სიზმარს წარუდგენდნენ ხოლმე ანალიზისა და ახსნისთვის.ითვლებოდა,რომ სიზმრები — ეს იყო ღმერთების გზავნლები.სიზმრის ამომხსნელები სამხედრო მაღალჩინოსნებს ბრძოლებშიც და კამპანიებშიც დაჰყვებოდნენ!ჩვენ ისიც ვიცით,რომ უამრავმა ხელოვან ადამიანმა შთაგონება და კრეატიული იდეები  მიიღო სიზმრებიდან.

მაგრამ რა ვიცით ჩვენ სიზმრების შესახებ?

მინდა 13 საინტერესო ფაქტი წარმოგიდგინოთ.

ორქიდეა ფალენოფსისი

ორქიდეაზე  წინა პოსტში ზოგადად ვისაუბრე.ამჯერად კონკრეტული სახეობის ორქიდეაზე მინდა გაგიზიაროთ ჩემი და გამოცდილი ადამიანების გამოცდილება.

ორქიდეია სილამაზის გარდა ბიოლოგიურადაც გამორჩეული ყვავილია!სპეციალისტები ორქიდეებს სამ ჯგუფად ყოფენ: მიწაზე მზარდები, ეპიფიტურები,საპროფიტები.ამჯერად ეპიფიტ ორქიდეაზე,ფელენოფსისზე მინდა ვისაუბროთ.

ორქიდეა ფალენოფსისის(Phaleonopsis) ჯგუფი  ორქიდეათა ოჯახის ყველაზე მრავალრიცხოვანი წარმომადგენელია.არცერთი სხვა ორქიდეა არ ხასიათდება ფერთა და ფორმათა ისეთი მრავალფეროვნებით, როგორც ორქიდეა ფალენოფსისია.

ორქიდეა

ორქიდეის ლათინური სახელწოდება Orchidaceae დაახლოებით ნიშნავს “ღმერთისგან წარმოქმნილს”

ახალზელანდიური მითი მინდა მოგიყვეთ ორქიდეაზე…

“ძალიან დიდი ხნის წინ, როდესაც დედამიწაზე სიცოცხლე ახალი ჩასახული იყო, ღრუბლებს მიღმა ერთმა მზის სხივმა ძალიან მოიწყინა.სხივმა გაიფიქრა — რა იქნება, თუ გავცდები ღრუბლებს? იქ აუცილებლად იქნება რაიმე საინტერესო!

საჰაერო გადანაწვენის(ფესვების) შექმნა, ბონსაის კულტივაციის ტექნიკა

იაპონურად : “Toriki”

ბონსაის გამოზრდის ცოტა უფრო მოწინავე ტექნოლოგია არის საჰაერო გადანაწვენის შექმნის ტექნოლოგია.ახალი გადანაწვენის არსი მდგომარეობს იმაში, რომ ვაიძულოთ ხეს შექმნას ახალი ფესვები კონკრეტულ ადგილას ძველი ფესვებიდან საკვები ნივთიერებების ნაკადის შეწყვეტის მეშვეობით.ეს ნიშნავს, რომ ჩვენ შეგვიძლია საჰაეროს გადწვენის მეთოდი რამდენიმე საჭიროებისთვის გამოვიყენოთ : ქოთნის სიგრძის შემცირება,უკეთესი Nebari-ს (საჰაერო ფესვები)გაზრდა,ან ამ ტოტის ცალკე ხედ გაზრდა.

მოჭრილი ტოტისგან გაზრდილი ხე– ბონსის კულტივაციის ტექნიკა

იაპონურად: “Sashiki”

ბონსაის ხელოვანთა შორის ძალიან პოპულარულია მოჭრილი ტოტისგან ხის გაზრდის მეთოდი.ეს მეთოდი დაახლოებით ერთ წელს(რაც თესლიდან ნერგის გაზრდას უნდა) გვიზოგავს, თან წინასწარ ვიცით, თუ რა დამახასიათებელი თვისებები ექნება ტოტს.

პირველ რიგში უნდა მოვიპოვოთ ტოტი.ხეების მეტიწილი ადვილად იზრდება ტოტიდან.მოჭერით სასურველი ხის ტოტი.ტოტის ზომა უნდა იყოს 5-10 სანტიმეტრი,დიამეტრით 2-5 მილიმეტრი.უფრო დიდი ზომის ტოტების დაფესვიანება ბევრად რთულია.

ზოგადად,ტოტის დაფესვიანებისთვის საუკეთესო დრო გაზაფხული და ზაფხულია,უკიდურესად ზაფხულის ბოლო.

ტყიდან მოტანილი ხეები — ბონსაის კულტივაციის ტექნიკა

იაპონურად : ’Yamadori”

ზოგჯერ ბუნებაშიც შეიძლება გადავაწყდეთ ისეთ ხეს, რომელსაც შეფერხებული აქვს ზრდა,ეს შეიძლება საკვები ნივთიერებიების ნაკლებობით იყოს გამოწვეული.მიუხედავად იმისა, რომ მათი ამოთხრა და სახლში წაღება საკმაოდ რთული საქმეა,მაგრამ ამგვარ ხებს აქვთ იმგვარი შესანიშნავი თვისებები, რაც გვჭირდება მისი ბონსაიდ გადაქცევისთვის.გაითვალისწინეთ, რომ ხის ამოთხრისთვის პირველ რიგში უფლება უნდა მოიპოვოთ.

საუკეთესო დრო მცირე ზომის ხის ამოსათხრელად არის ადრე გაზაფხული, სანამ ხეს ზრდა ჯერ არ დაუწყია.

 

გავზარდოთ ხე თესლიდან– ბონსაის კულტივაციის ტექნიკა.

ბონსაის თესლს იაპონელები „Misho”-ს უწოდებენ

ბონსაის ხის თესლისგან გაზრდის დიდი პლუსი ის არის, რომ გვეძლევა მისი ფორმირების სრული შესაძლებლობა  ადრეულ სტადიიდან.თუმცა ამას დიდი დრო მიაქვს(სამი წელი),სანამ დაიწყება ბონსაიზე მუშაობა.

პირველ რიგში უნდა მოვძებნმოთ თესლი,ის შეგვიძლია შვენ გარშემო მოვიძიოთ,ან გამოვიწეროთ ონლაინ მაღაზიიდან,მაგრამ გახსოვდეთ,რომ არ არსებობს „ბონსაის თესლი“, რადგან ბონსაი იქმნება ჩვეულებრივი ხისგან!

თუ ადგილობრივი ხეებისგან აგროვებთ თესლს,მათი დარგვა უმჯობესია შემოდგომაზე,მაგრამ თუ სხვა დროს ჩაგივარდათ ხელთ თესლი(მაგალითად გაზაფხულზე), ან ისეთი ხის ტელი გაქვთ, რომელიც არ არის ადგილობრივ კლიმატს შეჩვეული,საჭირო იქნება „სტრატიფიკაციის“ პროცესის გამოყენება.სტრატიფიკაცია— ეს ის პროცესია, როდესაც თესლს ხელოვნურად ვამყოფებთ ზამთრის პირობებში,ეს თესლმა აუცილებლად უნდა გადაიტანოს გაღვივებამდ(ამისათვის სპეციალურ ნაზავში გარეულ თესლს რამდენიმე კვირით მაცივარში ათავსებენ). დამწყებთათვის ეს შეიძლება ცოტა რთული იყოს,ამიტომ  ჯობს შეარჩიოთ ხეების ის სახეობები,რომლებიც კარგად ეგუებიან თქვენს კლიმატს და დარგოთ მათი თესლი შემოდგომით,როგორც ამას დედა ბუნება აკეთებს!

ბონსაი

ალბათ ყველას გინახავთ პატარა ხეები ასევე პატარა,დაბალ ქოთანში ჩარგულები.გაგაოცათ მათმა მინიატურულობამ ,პროპორციებმა და დახვეწილობამ?გეთანხმებით,მართლა საოცარია და ამ საოცრებას ქვია “ბონსაი”.

უცნაური ხალხია იაპონელები,თავადაც მინიატურულები არიან და გარემოსაც შესაბამისს იქმნიან.ერთ მაგალითს მოვიყვან:ისტორიულად,მათი სილამაზის კრიტერიუმი ქალის მცირე ზომის ტერფი იყო.ამიტომ გოგონებს ბავშვობიდან რამდენიმე ზომით პატარა ფეხსაცმელი ეცვათ, რომ ფეხი არ გაზრდოდათ..შედეგი კი სავალალო იყო,ამ ‘ლამაზი’,პატარა ტერფის მიღმა იყო დიდი ტკივილი, დისკომფორტი და 40 წლის ასაკში გადაადგილების შეუძლებლობა!

პოზიტური მაგალითისთვის, კრეატიულობის ნიმუშია თანამედროვე იაპონური ბინები, სადაც გარემო მინიატურული და მრავალფუნქციურია.

ჰოდა,აბა ვის,თუ არა იაპონელებს მოუვიდოდა თავში აზრად, რომ ხე გაეხადათ მინიატურული…ასეთი ხე, ანუ ამგვარი ბონსაი, ხომ დიდი ხის ზუსტი მინიატურული ასლია.ის იგივენაირად ყვავილობს და ისხამს ნაყოფს, როგორც მისი სახეობის დიდი ხე.ეს ხომ გასაკვირიც არ არის, პრინციპში,რადგან ბონსაიდ ნებისმიერი ხის ნერგი შეგვიძლია გადავაქციოთ.

ჩემი ახალი გატაცება

პრიმულები და გიაცინტები

ცხოვრებაში არ მქონია ჰობი,ან რაიმე სერიოზული გატაცება,რაც პრიონციპში ერთი და იგივეა 😉

მართალია, იმას თუ არ ჩავთვლით, რომ ბავშვობაში მინერალებს ვაგროვებდი და სამკურნალო მცენარეების ჰერბარიუმი მქონდა…ნეტა სად წავიღე ეს ყველაფერი 😦

მაგრამ ეს მაინც არ იყო ჰობი,აი ისეთი, მაგალითად,ჩემ დას რომ აქვს:ფულს აგროვებს კუპიუტების და მონეტების სახით,ანუ ბონისტკა-ნუმიზმატიჩკა იყო (და არის,პრინციპში):)))