რატომ ხარ ბლოგერი?

რა არის ბლოგი?ეს ერთგვარი დღიურია,რომელსაც ფართო საზოგადოებას აცნობ.ბლოგის წარმოშობაზე ძალიან კარგი სტატიაა აი აქ .

დღეს სიტყვა ”ბლოგი” ასე თუ ისე ცნობილია ქართული საზოგადოებისთვის და ინტერნეტმომხმარელსაც მეტი ინფორმაცია აქვს ბლოგების შესახებ.პირველი ბლოგები ჩვენთან დაახლოებით 5 წლის წინ გაჩნდა და მას მერე ქართული ინტერნეტმომხმარებელიც ინტენსურად ცდილობს ამ სიახლის ათვსებას.

ინტერნეტი ბევრისთვისაა ხელმისაწვდომი და ბევრია მისი შესაძლებლობებით მოხიბლულიც.ნამდვილად უნდა გამოვიყენოთ ის გარკვეული თვითრეალიზებისთვის ,გინდაც ეს მხოლოდ ვირტუალური იყოს.ხელმისაწვდომია უფასო დომენები და ინტერნეტში ახალი საიტებიც როგორც წვიმის შემდეგ სოკოები,ისე ჩნდება.მოდით უშუალოდ ბლოგებზე ვისაუბროთ!

მაშ ასე…

ბლოგი შეიძლება იყოს :

• პირადი
• თემატური
• შერეული
• დაწესებულება/ორგანიზაციის

რატომ აკეთებ ბლოგს?

ბლოგის გაკეთების სურვილი მრავალმა მიზეზმა შეიძლება გაგიჩინოს.პირადი ბლოგების მეშევობით ადამიანი ვირტუალურ სამყაროს უზიარებს თავის რეალურ ან გინდაც მოგონილ იმიჯს,ეს ერთგვარი თვითრეალიზაციის შესანიშნავი ხერხია.

ზოგ ადამიანს აქვს სურვილი ბლოგის პოსტებში ქვეყანაში ან მსოფლიოში მიმდინარე მოვლენებს გამოეხმაუროს და თავისი სუბიექტური აზრი მოგვაწოდოს, იმსჯელოს ამა თუ იმ საკითხზე.ამ შემთხვევაში ბლოგერის გაიგივება ჟურნალისტთანაც შეიძლება მოხდეს,თუმცა ჟურნალისტისგან განსხვავებით მას აქვს უფლება სუბიექტური აზრი დააფიქსიროს.

ასევე ბლოგის მეშვეობით ძალიან ადვილია რაიმე საკითხთან დაკავშირებით შენი ცოდნის მკითხველისთვის გაზიარება.

სამწუხაროდ,ხშირად ზემოთჩამოთვლილ მიზეზებს არ ითვალისწინებენ ისინი, ვინც დღეს, რბილად რომ ვთქვათ,ბლოგს აკეთებს იმიტომ ,რომ  ’მოდაში’ შემოვიდა ბლოგის ქონა.არ დაეძებენ აქვთ  თუ არა პოსტის წერის და ბლოგის წარმართვის უნარი.უამრავ ადამიანს,ძირითადად მოზარდებს,უჩნდება სურვილი უბრალოდ იქონიოს ბლოგი.პირველი მიზანი რომ მიღწეულია(ბლოგი არის!–თან სულ ერთია მას რა ერქმევა)მხოლოდ მერე იწყებენ იმაზე ფიქრს,თუ რისი დაწერა შეიძლება(როგორ–ეს უკვე  სხვა საკითხია).ცხოვრებისეული გამოცდილების არ ქონის გამო ქვეყნდება უამრავი აბსურდული პოსტი,რაც ,თავის მხრივ,მისაბაძი ისევ მათი ტოლი დამწყები ’ბლოგერებისთვის’ ხდება :(.

ამიტომ თავიდანვე უნდა ჩამოყალიბდე,თუ რა სახის ბლოგი გინდა რომ გქონდეს და  შესაბამისი პოსტებიც უნდა წერო.

რას ემსახურება ბლოგი?

ბლოგი ემსახურება ამა თუ იმ საკითხთან დაკავშირებით შენი სუბიექტური აზრის გამოხატვას.პოსტი შეიძლება იყოს რაღაც ძალიან ბანალურ თემაზეც კი, მაგრამ მას მხოლოდ იმ შემთხვევაში ექნება ხიბლი, თუ იქ შენს სუბიექტურ(სასურველია ეს  ობიექტურიც იყოს) აზრს დააფიქსირებ.ბლოგის მეშვეობით ჩვენ ხომ ჩვენს სათქმელს ვამბობთ და ფართო აუდიტორიას ვუზიარებთ.ყველა სიტყვაც კი გააზრებული  უნდა იყოს, რადგან გინდა ეს თუ არა,ბლოგის პატრონი გარკვეული ავტორიტეტიც კი  ხდება გარკვეული კატეგორია მკითხველისთვის და ბლოგპოსტის მეშვეობით ხომ ძალიან ადვილია მკითხველზე ზეგავლენის მოხდენა.

პოსტების კითხვა სიამოვნებას უნდა განიჭებდეს.მათში აღწერილი მოვლენები ან მხატვრულად უნდა იყოს გადმოცემული, ან მათგან სასარგებლო ინფორმაციას უნდა ვიღებდეთ(ორივეს შერწყმა– იდეალური ვარიანტია!).

რა პასუხისმგებლობას გვაკისრებს ბლოგი?

არავინ თქვას, რომ  ”რასაც ვწერ ჩემთვის ვწერო” ,შენი პირადი საქმეა რასაც წერ,მხოლოდ მანამდე, სანამ  საბედისწერო ღილაკ PUBLISH-ს დააჭერ თითს.აი მერე კი უკვე შენი ნებისმიერი პოსტი შეუზღუდავად ხელმისაწვდომი იქნება ნებისმიერი ინტერნეტმომხმარებლისთვის.და რახან გაქვს ამბიცია შენი პოსტი სხვას გაუზიარო, მაშინ კეთილი უნდა ინებო და გაითვალისწინო:

• პოსტი უნდა იყოს გრამატიკულად გამართული.დამიჯერე, არავინ მეორედ შენს ბლოგზე ხალისით აღარ შემოვა,თუ იქ ისეთი წინადადებები დახვდება,რომლებიც გრამატიკულად გაუმართავია ან სასვენი ნიშნები არ/არასწორადაა ჩასმული!მართალია,მექანიკური შეცდომებიც ყველას შეიძლება მოგვივიდეს, მაგრამ მკითხველი უნდა გრძნობდეს, რომ შენ მას პატივს სცემ და ’ჰაი ჰარაზე’ დაწერილ პოსტს არ სთავაზობ.
• პოსტის კონტენტი(შინაარსი) არ უნდა იყოს შეურაცხმყოფელი.კი, შეიძლება ცხელ გულზე დაწერილიც იყოს  და მწვავეც იყოს, მაგრამ როდესაც პირად ან კონკრეტულ შეურაცხყოფაზე ან დისკრიმინაციაზე გადადიხარ, ეს უკვე მკითხველს არიზიანებს და ამიტომ შეიძლება მუდივი მკითხველი დაკარგო.
• პოსტის სათაური უნდა იყოს პოსტში მოთხრობილი ამბის შესაფერისი!ხდება ხოლმე, რომ ’მყვირალა’ სათაურით მოხიბლული მკითხველი დააწკაპებს ლინკს და შემოვა შენს ბლოგზე,მაგრამ წააწყდება რა სათაურსა და პოსტს შორის შეუსაბამობას,იმედი უცრუვდება(ამ შემთხვევაშიც დიდი შანსია, რომ სხვა დროს უბრალოდ არ დაგიჯეროს მკითხველმა და გვერდი აუაროს შენს პოსტს).
• ბლოგზე ხშირად ათავსებენ სხვა ბლოგებიდან და საიტებიდან დაკოპირებულ მასალას,რითიც ძალიან დიდ შეცდომას უშვებენ!არ დაგავიწყდეს,რომ ეს პლაგიატია და ის ისჯება კანონით!კი, მართალია, შეიძლება კიდეც მიაწერო ბლოში იმ საიტის ლინკი, მაგრამ ჩნდება ორი შეკითხვა: 1.ამის წაკითხვას განა ვერ  შევძლებდი ორიგინალ გვერდზე?.2.თუ საკუთარი პოსტი ვერ დაგიწერია,რად გინდა ბლოგი? … ასე რომ დასკვნები თავად გააკეთე.

ამ ეტაპზე სულ ეს არის,რისი თქმაც მინდოდა,ისედაც გრძელი პოსტი გამოვიდა.

ყველას წარმატებას გისურვებთ.