როგორ გამოიყურება კარგი პოსტი

პოსტის წერისას მარტო იმაზე არ უნდა ვიზრუნოთ, რომ საინტერესო კონტენტი მივაწოდოთ მკითხველს,აუცილებელია პოსტის ვიზუალზეც ვიზრუნოთ.ამ სფეროში არის  ჩამოყალიბებული გარკვეული სტანდარტები და ტექნიკური ნიუანსები,რომლებიც მინდა მივაწოდო  დამწყებ  ბლოგერებს .ჩემს მიერ მოყვანილ რჩევებს აპრიორი აუცილებლობად ნუ განიხილავთ(ბოლოს და ბოლოს სახელმძღვანელო კი არ არის 🙂 ),უბრალოდ დაგროვილ ცოდნას გაგიზიარებთ(ამ ყველაფერს მე თვითონაც ვითვალისწინებ)

მაშ ასე,ვწერთ პოსტს და ეს ყველაფერი,რასაც დქვემოთ დავწერ, ან პოსტის წერისთანავე შეგიძლია გააკეთო, ან ბოლოს,აკრეფილი ტექსტი  დაარედაქტირო.

• კარგია, როდესაც პოსტის თავში დამახასიათებელი სურათია.და საერთოდ,დასურათებული პოსტი(ან ვიდეო  ფაილის გამოყენებით) ბევრად უფრო მიმზიდველად გამოყურება,თუმცა ეს აუცილებლობა არ არის,ზოგს სულ არ უყვარს სურათები.თუმცა,სიუჟეტური სურათი მაინც თავისებურ მარილს მატებს პოსტს;
• შრიფტი უნდა იყოს ზომიერი.წვრილი ასოები,ისევე,როგორც დიდი ზომის, თვალისთვის ერთნაირად დამღლელია;
• აბზაცი გამოიყენე.ანუ დიდი მოცულობით ტექსტს უაბზაცოდ ნუ დაწერ,დამიჯერე,ასეთი პოსტის კითხვისას იბნევი და გერევა კიდეც,რომელ სტრიქონს კითხულობდი.ასე რომ ზომიერი აბზაცები ჩაურთე;
• თუ თემა მოიტანს, საკუთარი ბლოგპოსტის ლინკი გამოიყენე პოსტში;
• ედიტორს ყველა ის  ფუნქცია აქვს,რაც კი შეიძლება, რომ დაგჭირდეს,მთავარია აითვისო!;
• პოსტს თუ აუდიო ან ვიდეო ფაილს დაურთავ,დაარეგულირე, რომ მკითხველმა ის თავად ჩართოს,ანუ არ იყოს ისე, რომ პოსტის გახსნისთანავე მელოდია ჩაირთოს.ეს ბევრს აღიზიანებს.არჩევანი მკითხველს მიანდე.
• მნიშვნელოვანი სიტყვები,ფრაზები ან გამოთქმები ეგიძლია  bold ფორმატში გადაიყვანო,აქცენტირება მოახდინო.
• სანამ  პოსტი ახალია,ანუ ბოლოს გამოქვეყნებული,ჯობია,ის სრულად იკითხებოდეს და შეამოკლე more ღილაკის გამოყენებით,მხოლოდ მას მერე, რაც მომდევნო პოსტს დადებ.დანარჩენებს რაც შეეხება,ბევრს,მაგალითად,სულ არ უყვარს პოსტის შემოკლება და სრული პოსტები უდევს ბლოგზე.არჩევანი შენზეა;
• პოსტს შესაბამისი კატეგორია უნდა მიუთითო და თაგებიც შეურჩიო.კომენტარების  ჩართვა-გამორთვა შენზეა დამოკიდებული.იმასაც ამბობენ, რომ 2 კვირის მერე  კომენტარების სისტემა უნდა გამოურთო პოსტს, რომ დაინტრიგება მოხდეს მკითხველისო.ამის გათვალისწინება უკვე შენი საქმეა;
• პოსტში ”სმაილების’ დამატებაც თავისებურ შარმს მატებს კონტენტს;
• ნუ, შინაარსზე არაფერს ვწერ.იგულისხმება, რომ კონტენტი კარგი უნდა იყოს, წინააღმდეგ შემთხვევაში  მას ვერანაირი გაფორმება ვერ ’უშველის’ ;

ალბათ არის კიდევ ის,რისი დამატებაც შეიძლება და კომენტარებში თქვენს რჩევებსაც თუ დაწერდით,დავამატებ ამ ნუსხას.

იმედია,გამოგადგებათ ეს რჩევები

ყველას წარმატებულ ბლოგინგს გისურვებთ 🙂

( ბლოგინგის კატეგორიის შემდეგი პოსტი  მიეძღვნება საიდბარის ორგანიზება-ოპტიმიხაციას)