როგორ ვებრძვით დეპრესიას?

რამდენიმე დღის წინ დავწერე პოსტი ჩემს ერთ ’დეპრესიულ’ დღეზე,რასაც კომენტარებში ძალიან საინტერესო რჩევები მოჰყვა.გადავწყვიტე ზოგადად დამეწერა დეპრესიაზე და თუ ვინ როგორ ვებრძვით და ვძლევთ მას.ეს ცხოვრება ტორტი არ არის,რომ მზა რეცეპტით ’გამოვაცხოთ’ და ყოველთვის წაგვადგება სხვა ადამიანის გამოცდილება და რჩევა.

ადამიანი სოციალური არსებაა და საჭიროებს სხვა ადამიანებს,რომ სიხარულიც გაუზიაროს,და გასაჭირის დროს მათი მხარდაჭერა იგრძნოს–თუმცა როდესაც მას დეპრესია მოერევა,მაშინ ხდება განზე გადგომა,თავის თავში ჩაკეტვა.ამ სიტუაციას ხშირად ადამიანი თავისი ძალისხმევით აღწევს თავს,მაგრამ არის გართულებული შემთხვევები,როდესაც მედიკამენტური ჩარევაა საჭირო.
დეპრესიას ( ლათ. depressio დათრგუნული)შემდეგი განმარტება აქვს–”ადამიანის ფსიქიური აშლილობა, რომელსაც ნეგატიური განწყობა, სევდა და დათრგუნულობა ახასიათებს; ასევე გუნებისა და თვითშეფასების გაუარესება, ცხოვრების ინტერესის დაკარგვა.”დეპრესიის მიზეზი კი გადაულახავი პრობლემაა,უსუსურობა და დაუცველობა.მაგრამ დეპრესია ყველას ერთნარიად როდი ემართება,ზოგიერთი ადამიანი უფრო მდგრადია სტრესის მიმართ.არიან მეცნიერები,რომელთა თქმით საქმე გენშია რომელსაც 5-HTTLPR ქვია.2003 წლის გამოკვლევებმა აჩვენეს,რომ ადამიანები,ვისაც ეს გენი შედარებით მოკლე ქონდათ –მიდრეკილი იყვნენ დეპრესიისკენ რადგან არ შესწევდათ უნდარი შებრძოლებოდნენ სტრესს.ის,ვისაც შედარებით გრძელი გენი აქვს–უკეთ ებრძვის სტრესს და ამიტომ შანსი იმისა,რომ დაემართოთ დეპრესია მცირეა.ეს იმიტომ ხდება რომ მათი ტვინი უფრო მეტ სეროტონინს იღებს ვიდრე სხვა ადამიანები.სეროტონინი კი ტვინის ის სუბსტანციაა, რომელიც ჩვენს კარგ განწყობაზეა პასუხისმგებელი,ამიტომაც მას კიდევ ”ბედნიერების ჰორმონს” უწოდებენ.
დეპრესიის გამოვლინებები მრავალნაირია.ზოგი ადამიანი უბრალოდ უგუნებოდაა, ზოგი ბევრს ჭამს,ზოგს აგრესია უჩნდება.მყავს ისეთი ნაცნობი,რომელიც დეპრესიის შედეგად ლოგინდად ჩავარდა და 2 წელი ლოგინში გაატარა(მაგრამ მერე დაძლია ეს ავადმყოფობა და დღეს საკმაოდ ხალისიან და აქტიურ ადამიანად გვევლინება)
დეპრესიასთან ბრძოლის მეთოდები ქალსა და კაცს სხვადასხვანაირი აქვთ.ქალისგან განსხვავებით,მამაკაცს არ უნდა აღიაროს რომ მას დეპრესია აქვს,მიუხედავად იმისა,რომ შეიძლება ხანგრძლივი დროის განმავლობაში თავს უგუნებოდ გრძნობდეს–მაინც არ აღიარებს,რომ დახმარება სჭირდება.მამაკაცს უჭირს აღიაროს რომ თავს უსურად გრძნობს!და ნაცვლად იმისა,რომ მეგობრებს ან ნათესავებს გაუზიაროს პრობლემის არსი ის ხშირად მიმართავს წამლებს,ალკოჰოლს ან განმარტოვებას.
ზრდასრულ ასაკში დეპრესიისადმი მიდრეკილების ჩამოყალიბების ერთ ერთი მიზეზი ასევე შეიძლება იყოს
ბავშვობაში ხანგრძლივი დროის განმავლობაში სტრესის ქვეშ ყოფნა.
როგორიც გინდა იყოს მიზეზი–შედეგი თუ დეპრესიაა,დგება საკითხი–როგორ ვებრძოლოთ მას?
გამოსვალი ყველასათვის სხვადასხვაგვარი შეიძლება იყოს.მონდა მოგაწოდოთ რამოდენიმე რჩევა,რაც დეპრესიის დაძლევაში დაგეხმარებათ.
ჩემის აზრით პირველ რიგში პრობლემის გადაჭრაზე უნდა ვიფიქროთ,კარგი იქნება,თუ ამაში მეგობრებიც მოგეხმარებიან,შეადგინეთ გეგმა,თუ როგორ აღმოფხვრათ პრობლემა.
არ შეიცოდოთ თქვენი თავი და ნურც სხვას დაანახებთ რომ ცუდად ხართ.
მეტი კონტაქტი!არ ჩაიკეტოთ!წადით სტუმრად,ამ სახლში მოიწვიეთ სტუმრები.
დეპრესიის დაძლევაში დაგეხმარებათ შოკოლადი,ბანანი,ნახშირბადის შემცველი პროდუქტები–პური,მაკარონი,ბრინჯი,ხილი და ტკბილეული.
დაკავდით რამით–აუცილებლად!
კარგ შვებას მოგგვრით შოპინგიც.სასურველი ნივთის ყიდვით თქვენს ჯიბესთან ერთად გულიც მსუბუქდება 🙂
კარგი იქნება,თუ ფეხით ისეირნებთ და მზეს მიეფიცხებით(როგორც lizikuna წერს)–პირადად ჩემზე ეს ყველაზე კარგად მოქმედებს!
თქვენი დეპრესია როგორ ხასიათდება? გაგვიზიარეთ თქვენი მეთოდიც,რა გგვრით შვებას როდესაც დეპრესია გაქვთ ან უბრალოდ ცუდ ხასიათზე ხართ?
რა გამოსავალი მოძებნეთ?
სხვას რას ურჩევდით?