გაირუჯე ’ჭკვიანურად’

ყველამ ვიცით მზის სასიცოცხლო ძალის შესახებ!რაოდენ სასარგებლო და საჭიროა მისი სხივი ჩვენი ორგანიზმისთვის!
მზის სხივში შემავალი ფოტონები აღწევენ ჩვენი სხეულის უჯრედებში და აცოცხლებენ მათ!
მაგრამ როგორც ყველაფერს, მზის სხივსაც აქვს ‘მედლის მეორე მხარე’.
მზის სხივი,რომელიც ჩვენამდე აღწევს,არის ულტრა იისფერი გამოსხივება,რომლის ზედმეტი ზემოქმედება იწვევს დამწვრობას და ფოტოდაბერებას(ანუ აბერებს კანს!)

გარუჯვა —სხვა არაფერია თუ არა სხეულის დასხივება ულტრა იისფერი სხივებით.ამ დროს ჩვენი კანი გრძნობს, რომ დამწვრობის საშიშროება ემუქრება და კანის ზედა ფენებს აწვდის ფერმენტებს.ამის შედეგად კანი გარუჯულად გამოიყურება.რუჯის ფერის ინტენსივობა დამოკიდებულია მზეზე ყოფნის დროსთან,თუმცა ისიც გასათვალისწინებელია,რომ როდესაც კანი დაიწვება,და მას უკვე გარუჯული კანის ზედა ფენა ასძვრება,ის ახალი ფენა გარუჯული ელფერით აღარ იქნება(აღარაფერს ვამბობ დამწვრობისგან მიღებულ დისკომფორტზე)
რადგან ჩვენი საყვარელი დედამიწის მზის მავნებელი გამოსხივებისგან დამცავი ოზონის ფენა შეთხელებული და ზოგგან გამქრალია,ამიტომ ჩვენს ატმოსფეროში მეტად მავნე მზის სხივები აღწევენ!
ამის პარალელურად მზის ზედაპირზე გახშირებული აფეთქებების წყალობით უფრო ინტენსიური რადიაციული ზემოქმედების ქვეშ ვიმყოფებით! ამიტომ დამწვრობის რისკიც პროპორციულად იზრდება.

მზის სხივით დამწვრობა უტოლდება ჩვეულებრივი დამწვრობის სიმძიმეს(გინდა ცხელი ნივთით დაიწვით და გინდაც მდუღადე გადაივლეთ).და თვითონ დამწვრობის მიღებაც უდიდესი სტრესია ორგანიზმისთვის.ამ დროს მთელი მისი ენერგია ხმარდება კანის აღდგენას და ამიტომ შეიძლება ძალიან მალე ჩივილები გაგიჩნდეთ ორგანიზმში წარმოქმნილი დაავადებების და გამო.ისიც გაითვალისწინეთ,რომ ინტენსიური დასხივება ხელს უწყობს ონკოლოგიური დაავადებების სწრაფ განვითარებას.

‘ჭკვიანურად’ მიუდექით გარუჯვას და შედეგიც არ დააყოვნებს—იდელურად გარუჯული დაბრუნდებით ზღვიდან!
ამისათვის რამოდენიმე რჩევას შემოგთავაზებთ.
1.გარუჯვისთვის გამოყოფილი დრო უნდა იყოს:დილიდან შუადღის 12 საათამდე(ისიც თუ ძალიან მცხუნვარე მზე არ არის)-საღამოს 4-5 საათიდან. შუადღეზე ყველანაირად მოერიდეთ მზეს,რადგან ამ დროს მზე ზენიტში იმყოფება—ანუ პირდაპირი კუთხით გეცემათ,და ამიტომ მეტი ზემოქმედების უნარი შესწევს.ანუ დღის 12 დან 4 საათამდე მოერიდეთ მზეს.
2.თუ გგონიათ რომ ქოლგის ქვეშ მჯდარი არ გაირუჯებით,ცდებით.ქვიშის კრისტალებიდან არეკლილი სხივი მაინც ეცემა თქვენს სხეულს და ოდნავ ნაკლები ინტენსიობით,მაგრამ მაინც ირუჯებით.
3.წყალში ყოფნისას ორმაგად ირუჯება წყლის ზემოთ მოქცეული სხეულის ნაწილი—პირდაპირი მზის სხივისგან და წყლის ზედაპირიდან არეკლილი სხივისგან.
4.აუცილებლად იხმარეთ ულტრა იისფერი სხივებისგან დამცავი საცხი.მაინც გაირუჯებით,თუმცა ამ დროს თავიდან აირიდებთ დამწვრობას.ამ საშუალებებზე დაწვრილებით შემდეგ პოსტში მოგაწოდებთ ინფორმაციას.
5.გარუჯვისას კანიდან ძალიან სწრაფად ორთქლდება სითხე, ამიტომ ამიტომ სხეულს სითხით შევსება უნდა, რომ გაუწყლურება არ გამოიწვიოთ.ამისათვის სვით ბევრი წყალი და ხშირ-ხშირად დაისველეთ სხეული.
6.გარუჯვის შემდგომ აუცილებლად უნდა შეიზილოთ კანში დამამშვიდებელი და დამატენიანებელი საშუალება.
7.ასაკის მატებასთან ერთად მეტად მოერიდეთ მზეს.ნუ დაგავიწყდებათ,რომ გარუჯვა ისედაც კანს აბერებს!
8.მზეზე ყოფნისას მეტად ირუჯება სხეულია ზედა ნაწილები, ამიტომ დაიცავით ცხვირი და ყვრიმალები.
9.თავზე აუცილებლად უნდა გეხუროთ, რადგან ჯერ ერთი, რომ თმა ზიანდება ,მეორე კი შეიძლება თავი გადახურდეს და მზის დაკვრაც კი მიიღოთ.
10.თუ გრილა ან ქარია და არ გცხელათ,ეს იმას არ ნიშნავს, რომ ვერ გაირუჯებით.თუკი მზე არის—ირუჯებით კიდეც,მაგრამ საქმე იმაშია, რომ სიცხისგან არ წუხდებით,და რადგან სხეულიც გრილდება, დაწვას ვერც გრძნობთ, ამიტომ შეიძლება უფრო მეტ ხანსაც კი გაჩერდეთ მზეზე.შედეგი—მიიღებთ დამწვრობას.ამიტომ დრო კარგად განსაზღვრეთ, ნუ მოგატყუებთ სიგრილე.
11.მოღრუბლულ ამინდში ჩვენამდე მაინს აღწევს 70% სხივებისა,ამიტომ მაინც გაირუჯებით!
12.პლაჟიდან წამოსვლის შემდეგ რაც შეიძლება მალე უნდა გაიხადოთ საცურაო კოსტუმი,ნუ დაიტოვებთ მას სველს სხეულზე,რადგან ნოტიონ,მარილიანი და ჩახურებული ჰავა უკიდურესად ხელშემწყობი ფაქტორია ინფექციების და სოკოვანი დაავადებების წარმოქმნა-განვითარებისთვის!
13.ხშირად ტანზე ისმევენ სხვადასხვა საშუალებებს, რომ სწრაფად გაირუჯონ,ლუდს,ზეთს.მე მიზანშეწიონილად არ მიმაჩნია ეს, მაგრამ ერთი რჩევა მაინც მაქვს.თუ მცირე დრო უნდა დაყოთ მზეზე, მაშინ აი ასე მოიქეცით:”ჯონსონს ბეიბი”-ს ტანის ზეთში ჩაამატეთ 2-3(და არა მეტი)წვეთი იოდი.გარუჯვამზე მცირე რაოდენობა შეიზილეთ კანში.სახეზე ნუ წაისმევთ.
14.არ დაგავიწყდეთ, რომ სათვალით მზეზე დიდ ხანს ყოფნისას, თვალის ირგვლივ არე არ მუქდება,რაც საბოლოოდ შესამჩნევ კონტრასტს ქმნის და რა თქმა უნდა სასაცილოცაა.
15.არ დაისხათ სუნამო ისე, რომ ის კანზე მოხვდეს,რადგან პარფიუმზე პირდაპირი მზის სხივის მოხვედრისას წარმოქმნილი რეაქცია კანს აღიზიანებს და ლაქებიც კი შეიძლება წარმოპქმნას.
16.იხმარეთ მხოლოდ წყალგამძლე მაკიაჟი ისიც მარო შავი ფანქარი და ტუში,თუ აუცილებელია.გარუჯვისას არ ხმარობენ არანაირ დეკორატიულ კოსმეტიკას.
17.თუ შეღებილი თმა გაქვთ,აუცილებლად პლაჟზე გასვლამდე შეიზილეთ ან შეისხურეთ რაიმე თმის დამცავი საშუალება.მე ორიფლეიმის შესასხურებელი მაქვს და კარგად დამიცვა შარშან.

ამ რჩევებს თუ გაითვალისწინებთ,ზომიერად და ლამაზად გარუჯული სხეული გექნებათ
კარგ დასვენებას გისურვებთ
^__^