აამღერე ბლოგი :)

ახლა,ჩემო კარგებო, მოდით ვისწავლოთ როგორ დავამატოთ ბლოგს და უშუალოდ პოსტსაც მუსიკალური შლეიფი,გავაფორმოთ ის მელოდიით.

ეს არ არის ძნელი გასაკეთებელი,სამაგიეროდ,რაღაც თავისებურ მომხიბვლელობას შესძენს ბლოგს.

საფეხურ-საფეხურ მივყვეთ ყველაფერს.

ვრეგისტრირდებით საიტზე www.soundcloud.com

1. საიტზე ზედა მარცხენა ბარზე ვწკაპავთ Sign Up-ს ,გამოსულ ფანჯარაში ჩავწერთ მეილს,პაროლს,მოვნიშნავთ მეორე პუნქტს,რაც ნიშნავს,რომ ეთანხმებით მოხმარების წესიებს.ვაჭერთ Sign Up-ს.

2. ჩაწერთ username-ს,რომელიც უნიკალური უნდა იყოს,სურვილისამებრ ატვირთავთ სურათსაც, შეავსებთ ველებს. ბოლოს დააჭერთ Done-ს.
ახლა მეილზე მოგივათ წერილი,და იქიდან ლინკით გადმოხვალთ შემდეგ გვერდზე.

3. უკვე თქვენს პირად გვერდზე ხართ,რასაც ადასტურებს თქვენი username ზედა მარცხენა პანელზე.ახლა კი დააწკაპეთ Upload & Share -ს.

4. ამ გვერდზე უკვე ღილაკია Upload & Share Any Sound,მას დაწკაპავთ,დაბლა ფაილის ტიპებიც წერია,თუ რისი მხარდაჭერა აქვს პროგრამას.

5. ვირჩევთ მედია ფაილს ჩვენი კომპიუტერიდან,თან გაითვალისწინეთ,რომ ყველანაირ უცხოურ მუსიკას არ მიიღებს,პირატულ ვერსიებს თავს არიდებს.

6. ველოდებით,რომ მთლიანად ჩაიტვირთოს სიმღერა–გალურჯდება ველი.

7. ყურადრება მიაქციეთ,რომ Advanced Settings -ში მწვანედ იყოს მონიშნული,თუ არ იქნა, ერთი მიაწკაპე და საკმარისი იქნება,რომ გამწვანდეს :).ბოლოს ვაჭერთ Save-ს .

8. აქ უკვე ჩანს მედია ფაილი მთელი თავისი მშვენებით 🙂 .
იმისთვის,რომ კოდი მივიღოთ,ვაწკაპებთ Share-ს.

9. მივიღებთ ლინკს,რომელიც შეგვიძლია ჩავსვათ ბლოგზეც, მაგრამ თუ პლეერის მოდიფიკაცია გვინდა, მაშინ Customize Player -ს დააჭირეთ.
10. ამ ფანჯარაში აი რას ვაკეთებთ:ჯერ ერთი,რომ შეგვიძლია პლეერის ფერის შეცვლა–დაატრიალეთ პლუსები,რა ფერზეც გინდა დააყენებთ.მერე–თუ გინდათ,რომ პოსტის გახსნისთანავე მელოდია აჟღერდეს,მაშინ მონიშნეთ მეორე პუნქტი–Play automatically.ბოლოს კი დააკოპირეთ სულ ძირში რომ კოდია მოცემული,რადგან ის უშუალოდ wordpress-ის ბლოგისთვისაა.

11. ჩასვით კოდი პოსტში სასურველ ადგილას.

12. აი ასე გამოიყურება პლეერი ბლოგის პოსტში.

თუ მედია პლეერი გვინდა ბლოგზე განვათავსოთ,მაშინ სურათ 10-ზე ნაჩვენებ კოდს(შავი ისარი რომ უხატია) ვაკოპირებთ და ბლოგის Dashboard -ზე text widget-ში ჩავსვამთ.
თუ ეს ტუტორიალი გამოგადგებათ,ნუ დაიზარებთ და კომენტარიც დაწერეთ

წარმატებას გისურვებთ!

აი აქ არის უამრავი სიმღერა,რომლებიც უპრობლემოდ შეგძლიათ ატვირთოთ ბლოგზე.