კაციც ადამიანია

ცოტა დაფიქრებული მოვედი დღეს,ერთ სიტუაციას წავაწყდი,რომელმაც ჩამაფიქრა და ამდაგვარ სიტუაცის სხვა თვალით შევხედე.საქმე ეხება გოგო და ბიჭის ურთიერთობას, უფრო სწორედ ურთიერთობის წამოწყებას.ჩვენ ,სუსტი სქესის წარმომადგენლები მივეჩვიეთ იმ აზრს, რომ მამაკაცი ყოველთვის ძლიერი უნდა იყოს,ინიციატივას თავის ხელში იღებდეს,და ჩვენს ’პრანჭიობას’ მოთმინებით იტანდეს.აი დღესაც,შემსწრე გავხდი სცენის,როგორ ცდილობდა ერთი ბიჭი გასცნობოდა ერთ გოგონას,

ეს გოგო მეგობართან ერთად იდგა გაცერებაზე, და აშკარად თან ეკეკლუცებოდა იმ ბიჭს, მაგრამ როდესაც ამ ბიჭმა მოიკრიბა გამბედაობა და გაცნობა სთხოვა(ზუსტად არ ვიცი რა უთხრა)–ადვილად მოიშორა ეს ყმაწვილი,ის მერე სად წვიდა არ ვიცი,მაგრამ ის გოგოც თვალს იმ მხარეს აპარებდა,აშკარად რაღაცას ელოდა კიდევ, მაგრად ამაოდ.

გამახსენდა ჩემი სტუდენტობაც,რამდენი ასეთი შემთხვევა მქონია, რამდენი ბიჭისთვის ’ამიხვევინებია’(ეხლა რა ცუდად მხვდება ეს სიტყვა ყურში,არადა მაშინ ასე ვიძახდი),რამდენი ბიჭი ’ამეკიდა’ და როგორ ულმობლად ვიშორებდი თავიდან.და არასდროს დავკვირვებივარ რომ რამდენი სიმამაცე სჭირდება კაცს, რომ გაბედოს და გოგოს გამოელაპარაკოს,რაღაცნაირად ყურადღება მიიქციოს ,რომ ცივ კედელს არ შეეჯახოს,ან თუ შეეჯახა–ღირსეულად დაიჭიროს თავი–ეს ხომ მამაკაცისთვის უპირველესია.კი, ეხლა შეიძლება თქვათ,რომ ’ეხლა გოგოები ისეთები არიან’ ან ’ეხლა ისეთი ბიჭები არიან’ და ასე შემდეგ, მაგრამ ფაქტი ხომ ფაქტად რჩება–ყოველგვარი ინიციატივა გაბედულებას მოითხოვს.

არ ვიცი რამდენად გასაგებად ჩამოვაყალიბე ჩემი აზრი,მით უმეტეს ,რომ ყველა სიტუაცია უნიკალურია, მაგრამ ერთადერთი რაც მინდა გითხრათ, გოგოებო—დააფასეთ ბიჭების სიმამაცე,რადგან ზუსტად ეს თვისება აბედინებს ბიჭს გადადგას კონკრეტული ნაბიჯი და წინასწარ შეეგუოს სავარაუდო ფიასკოსაც კი.
ბიჭებო—იყავით მამაცები და გაბედულები!
წარმატებებს გისურვებთ!!!